الاجراءات المتبعة من طرف الورثة مع البنك في حالة وفاة صاحب الحساب

إلا توفى شخص وخلا الفلوس فحسابو البنكي، شنو هي الإجراءات الي خاص تدار باش الورثة يشدو النصيب ديالهم وشنو هي الوثائق الي خصهم يدفعوها للبنك؟؟..
الجواب..
1 - أولا خاص يتم التصريح بالوفاة عند مصالح الحالة المدنية (فالمقاطعة لي تابعة لتما فين توفا المعني)، فأجل شهر إلا كانت الوفاة فالمغرب، و سنة إلا كانت الوفاة فالخارج باش الورثة يشدو شهادة الوفاة ومن الاحسن يتم نسخها على عدة مراة..
2- من بعد كيمشيو الورثة عند العدول مصحوبين بشهادة الوفاة باش يصايب ليهم رسم الإراثة و الفريضة، الي كيتحدد فيها شكون المتوفي و الوارثون و نصيب كل واحد منهم..
3- نسخ البطاقة الوطنية للورثة..
4- و الإبراء الضريبي عند الطلب..
هاد الوثائق تدفع للبنك، الي بدورو كيرسلهم لمصلحة مختصة (تابعة للبنك) الي كتقوم بتقسيم رصيد الحساب على الورثة... سواء نقدا أو عن طريق حوالة بنكية..
ممكن كذلك الورثة يعينو وريث واحد عن طريق وكالة مصادق عليها باش يدير كولشي الإجراءات و يشد فلوس الورثة كولها..
للعلم العملية ممكن تاخد بين شهر إلى 3 أشهر..
تحياتي..