.png "Le Maroc Que J'adore")
في حالة تقطعو ليك الفلوس ها شنو خاصك دير
عندك 100 درهم مقطع منها طرف كبير و بغيتي تعرف شحال غادي تاخد فيها؟
أجي نشوفو آش تيقول قانون بنك المغرب يلا كانت عندك ورقة بنكية (20، 50، 100 أو 200 درهم) مقطع منها شي جزء؟
كترجع ليك القيمة كاملة يلا كانت المساحة ديال ديك الورقة فايتة الثلثين (2/3) من المساحة الإجمالية ديالها
كيرجع ليك النصف ديال القيمة ديال الورقة (أي مثلا 200 درهم أ يعطيوك فيها 100 درهم) يلا كانت المساحة ديال ديك الورقة بين الثلثين (2/3) و الخمسين (2/5) من المساحة ديالها
كيعطيوك فيها "الله يسهل عليك" يلا كانت المساحة ديالها أقل من الخمسين
كيفاش كيحسبو المساحة؟ كاين عندهم آلة كيديرو فيها الورقة البنكية و كيعزلو الفئة ديالها و هي كتعطي المساحة.
هاد العملية تيقومو بيها الوكالات ديال البنك المركزي (بنك المغرب)، ماشي الأبناك التجاري